Дали знаете за што служат нитните на фармерките?

Нема личност на планетава која во својот плакар нема барем еден пар фармерки. Но, дали некогаш сте се запрашале за што служат металните нитни кои се наоѓаат на врвовите на џебовите?

Откако се појавиле во 1879-та година, фармерките за кратко време станале омилен избор меѓу фармерите и копачите на злато. Иако практично било многу тешко да се скинат, работниците морале често да одат кај кројач за да им ги сошие џебовите кои постојано им се парале.

Кројачот Џејкоб Дејвис добил идеја дека може да ги спои џебовите со бакарни нитни.

Бил свесен дека неговата идеја е генијална, но немал пари да го патентира својот изум. Затоа, го посетил Леви Штраус, произведувач на фармерки, нудејќи му заедно да започнат производство на фармерки со нитни.

За фармерките да изгледаат подобро, конецот со кој биле сошиени џебовите е со боја на бакар за да не се разликува од бојата на нитните.

Работниците во Сан Франциско, а подоцна и работниците низ светот биле воодушевени колку практични и долготрајни се новите фармерки со нитни, па истите за многу кратко време станале апсолутен хит. 

М. С. | Црнобело