Брачен пар - први комшии

Британците Габриел (57) и Јан Хенинг (57) се во брак веќе 36 години, но веќе 10 години не живеат заедно туку се први соседи. “Секое утро Јан...

 

...ми носи појадок во кревет. Разговараме за дневните обврски и потоа го носам на работа. После работа одиме во шопинг, а во сабота задолжително одиме на ручек“ - вели Габриел.

Живеат слично како и сите останати парови , само што на крајот од денот секој си оди во својата куќа и спие во свој кревет.

“Искрено, мислам дека имаме договор каков што секоја жена потајно посакува. Уживаме да бидеме заедно, но не си ги трпиме лошите навики. Сигурна сум дека се почитуваме повеќе отколку останатите парови.“ – вели Габриел.

Стапиле во брак по 3-годишна врска и биле мошне возбудени заради заедничкиот живот. Заедно си го граделе домот.

Се било во ред додека тој не добил отказ. Почнал да излегува секоја вечер и да пие. По цели ноќи не се појавувал дома. Габриел покренала постапка за развод, но Јен кој во меѓувреме добил друга работа, не сакал да ги прими документите.

Таа почнала да ужива во самечкиот живот, но сепак се чувствувала осамено и тажно. По 18 месеци живот разделени, тој ја замолил да се врати дома.

Сепак се решиле за интересна варијанта. Живот во брак, врата до врата, а сепак раздвоен и послободен. И сега функционираат одлично.