8 одлични трикови за на плажа: Лимонада во кесички, пудра за да не се лепи песок на вас

Одењето на плажа е секогаш придружувано од здодевното подготвување на торбата со пешкири, вода, креми за сончање... А, секако работите се многу посложени доколку имате деца па морате да носите еден куп играчи, храна и сокови.

Сепак благодарение на следниве трикови овогодишниот одмор ќе ви биде многу поедноставен и позабавен.

1. Направете сами коцки од алое вера

Ако случајно изгорите на плажа овие коцки ќе ви бидат одличен спас. Сè што треба да направите е да изгмечите во сад свежа алое вера, за таа да го испушти сокот кој го содржи. Добиениот сок истурете го во калап за коцки мраз и замрзнете го. Со овие ледени коцки алое вера, можете да го триете изгореното место и да го ублажите воспалението на кожата.

2. Лимонада за носење

Направете голем бокал лимонада, па поделете ја течноста во неколку пластични кеси кои имаат механизам на затворање на врвот. Изладете ги во фрижидер и понесете ги на плажа. Не заборавајте ги цевките за пиење за совршено уживање.

3. Понесете базен за децата

Кога имате мали деца, секогаш сте загрижени за нивната безбедност. Токму затоа можете да понесете со себе мал базен каде тие ќе можат да си играат, и што е уште поважно, ќе бидат безбедни.

4. Искористете пластични садови за грицките

Наместо кесичките со грицки да ви ја зафаќаат пола торба, истите можете да ги сместите во пластични садови и да заштедите многу простор. Празните шишиња од кафе може одлично да ви се најдат во ваква прилика.

5. Замрзнете шише вода

Уште вечерта ставете шише вода во замрзнувачот, а утрото понесете го со вас. На овој начин ќе имате студена вода многу подолго време, дури и ако сте постојано на сонце.

6. Направете ражничи од овошје

Наместо да купувате храна на плажа или цело време да одите до продавница, направете ражничи од овошје како здрава, вкусна и практична ужина.

7. Понесете бебешка пудра

Нанесете бебешка пудра на стапалата и рацете и многу полесно ќе се ослободите од песокот. Едноставен, но многу практичен трик.

8. Понесете чаршав за душек на плажа

Одличен трик! Свртете го наопаку чаршавот за душек и краевите прицврстете ги со торбите, рачниот фрижидер, чадорот за сонце или тоа што имате при рака. Ќе добиете одлична ограда за децата и простор без песок, каде ќе можете мирно да јадете.

М. С. | Црнобело