„Патека на бегството“ - Едноставен рецепт за да се ослободите од стресот

Кога сме изложени на стресни ситуации, нашата продуктивност се намалува, нè мачат несоници, дишеме забрзано и плитко...

Еден од методите кои можат да ви помогнат успешно да се соочите со секојдневието и стресните ситуации е методот именуван како „Патека на бегството“ кој го препорачува клиничкиот психолог Џесами Хиберд.

Основната замисла е во мислите да си создадете место кое ќе ве релаксира.

Како да го направите тоа? Релаксирајте се и обидете се да го визуелизирате секој предмет. Почувствувајте ги мирисите кои ве опкружуваат, слушајте ги звуците околу вас.

Можеби на почетокот ќе ви биде потешко, но со малку труд ќе успеете да се замислете во некоја оаза на позитивно расположение во која можете да потонете секојпат кога сте под стрес.

Пример:

Замислете како одите по некое широко поле. Топло е. Сонцето блеска. Небото е совршено сино.

Одите по полето и одеднаш забележувате река. Ја чувствувате студената вода, а околу неа, прекрасни дрвја.

Легнувате и длабоко го вдишувате чистиот воздух.

Прстите ви се движат по меката зелена трева околу вас.

Слушате како водата жубори и стапалата ги пикате во водата.

Го чувствувате мирисот на зелената трева околу вас и шумскиот крај.

Одморајте се колку ви е потребно.

Н. Г. | Црнобело