Секоја жена треба да има...

Секоја жена треба да има

Доволно пари за да живее сама,

Без разлика дали е од потреба или желба.

Секоја жена треба да има

Нешто посебно да облече

Кога неочекувано компанијата од соништата ќе ја повика на интервју

Или мажот на нејзиниот живот ќе ја повика на состанок со најава од само половина час претходно.

Секоја жена треба да има

Младост, која е подготвена да ја остави зад себе.

Секоја жена треба да има

Неколку гревови од младоста

За кои низ смеење ќе раскажува кога ќе остари.

Секоја жена треба да има

Сет алати, бормашина

И црн градник од чипка.

Секоја жена треба да има

Една пријателка која секогаш знае да ја расположи

И една која секогаш знае да и ги избрише солзите.

Секоја жена треба да има

Барем едно парче пристоен мебел

Кој го купила самата таа,

Не нејзините роднини.

Секоја жена треба да има

8 идентични чинии, 8 чаши за вино

И рецепт на кој ќе се воодушевуваат сите гости.

Секоја жена треба да има

Чувство дека таа ја контролира судбината.

Секоја жена треба да има

Начин како да се заљуби без да се изгуби во љубовта.

Секоја жена треба да има

Начин на кој безболно ќе даде отказ, ќе го остави мажот со кој непрекинато се расправа

И ќе ги избегнува токсичните пријатели по секоја цена.

Секоја жена треба да има

Претчувство кога да се повлече,

А кога да стегне заби и да издржи.

Секоја жена треба да има

На ум дека не може да ја смени должината на своите нозе,

Ширината на колковите,

И своите родители.

Секоја жена треба да има

Чувство кога нешто треба да се направи од љубов,

А кога е навистина непотребно.

Секоја жена треба да има

Човек на кој знае дека може да му верува,

И човек на кој знае дека не може да му верува,

Без тоа да го зема при срце.

Секоја жена треба да има

Место каде срцето и мислите ќе и лутаат кога ќе сака комфор,

Без оглед на тоа дали ќе биде повремен „пријател“

Или хотел надвор од градот.

Секоја жена треба да има

План што сака да направи сега.

И за месец.

И за година.

М. Д. | Црнобело