Илустрации: 10 чудни поговорки, нацртани буквално

Илустраторот и дизајнер Џејмс Чапман од Манчестер, Англија, решил да креира буквални, но и комични илустрации на разни чудни изрази од различни земји ширум светот.

Од Кенија, Шведска и Етиопија, до Русија, ова се некои од најсмешните буквални илустрации на познати поговорки:

1. „Кога слоновите се борат, тревата страда“ (Кенија)

Значење: Битката на моќните, ги повредува само малите.

2. „Перницата е најдобар советник“ (Шведска)

Значење: Отспијте, наутро ќе имате решение за проблемот.

3. „Лизгавиот под не препознава крал“ (Кенија)

Значење: Дури и најмоќните луѓе, се само луѓе.

4. „Ако светот се поплави, тоа ништо нема да ѝ значи на патката“ (Турција)

Значење: Работите кои ви изгледаат лоши на вас, не се лоши за сите.

5. „Жабата која живее во бунар, не го познава морето“ (Јапонија)

Значење: Во светот се случуваат многу повеќе работи отколку што знаете, обидете се да си го проширите видикот.

6. „За да живеете меѓу волци, треба да завивате како волк“ (Русија)

Значење: Во опасните ситуации обидете да се вклопите.

7. „Гладот е најдобар сос“ (Старо-римска поговорка)

Значење: Сè е повкусно кога сте гладни.

8. „Мачка со ракавици, нема да улови глувци“ (Галска поговорка)

Значење: Ако сте цело време внимателни и учтиви нема да постигнете ништо.

9. „Оставете Бетмен да ја заврши работата“ (Филипини)

Значење: За некои проблеми, потребен е суперхерој да ги реши.

10. „Гладниот стомак нема уши“ (Франција)

Значење: Не можете да се концентрирате, ако сте гладни.

Н. Г. | Црнобело