Ромео и Јулија на Твитер

Kопродукциската компанија за телекомуникации "Mudlark" и Кралскиот театар Шекспир, ќе го води својот љубовен дијалог "Romeo i Julija" на...

 

... Интернет.

Ликовите од трагедијата ќе имаат меѓусебна, но и интеракција и со публиката на Твитер. "Јулија" која на интернет ќе ја глуми Шарлота Вејфилд, веќе има свој профил "julietcap16", односно 16-годишна Јулија Капулети.

Ромео подоцна ќе се приклучи во приказната, бидејќи, како што на сајтот на проектот пишува, "моментално премногу е зафатен со играње на Xbox конзолата".

"Сакаме нови начини на поврзување на широката јавност со делата на Вилијам Шекспир, а овој проект е идеален за тоа", изјавил уметничкиот директор на Кралскиот театар Шекспир, Мајкл Бојд.

За време од 5 недели, сите ликови меѓусебно ќе разговараат на интернет, држејќи се до работата на оргиналната трагедија.