Каде оди храната која се конфискува на аеродромите?

Секој ден, голем број од патниците низ светот, се обидуваат да „протнат“ некое парче храна во авионите.

Но, правилата се јасни: месните производи, сирењата, млечните производи, рибите, некои овошја и зеленчуци, па дури и јаткастите плодови се недозволени.

Овие правила може да се разликуваат од земја до земја, но во глобала, секаде се конфискуваат големи количини на недозволена храна.

Што се случува со неа? Каде оди?

Прва опција: Во печка

Во некои земји целата конфискувана храна се гори. На пример на аеродромот Пулково во Санкт Петербург им огромни печки каде вредноста на храната се поништува.

Втора опција: Се рециклира

Во повеќето земји во Европската Унија, контејнерите со запленета храна одат на рециклирање по различни центри. На пример, шишето од кое пиете вода денес, веројатно има неколку рециклирани молекули од она кое ви го земале на аеродром.

Трета опција: Се смачкува

Најтажната опција - постои посебна просторија каде храната се носи за да се испасира и уништи. На пример, на аеродромот Џон Ф. Кенеди во Њујорк има ваква соба во која секој ден се собираат по околу 300 килограми овошје и зеленчук.

Големите аеродроми сметаат дека со уништување на храната се штитат од многу вируси и бактерии кои може да се пренесат од „заразени“ плодови, кои се обидуваат да се однесат во одредена држава.

М. Д. | Црнобело