Што да, што не преку интернет

Зависноста од социјалните мрежи како што се Фејсбук, Твитер, "чатањето" и долгите бесплатни он-лајн разговори кои ги овозможува Скајп-от, се...

 

...само мал дел од причините кои не' прават зависни од Интернетот.

Но, сепак, постојат граници помеѓу она што е препорачливо да правите, а на што треба да внимавате да не претерувате.

Во љубовта:

ДА - дружете се и допишувајте се со спротивниот пол. Можеби ќе запознаете некој навистина интересен. Проширете ги своите контакти на што поразлични личности, но немојте да се врзувате се додека не ја запонаете личноста во живо.

НЕ – Немојте интернетот да го користите бегање од досадната врска или како замена за реалната. Пред за станете зависни од интернетот, треба да се забавувате со сопствениот, реален живот.

На работа:

ДА – Користете го мејлот за комуникација со вашите клиенти, потрошувачи, колеги. На многу бизниси, основната и една од најкорисните алатки на комуникација им претставува електронската пошта.

НЕ - Немојте да станете параноични доколку не го добиете посакуваниот одговор. Електронската пошта е комуникација која служи за објаснување или информирање на едноставни активности.

Бидејќи не ја гледате или слушате личноста со која комуницирате, често се случува содржината да биде сфатено сосема спротивно од она што треба.

Со пријателите:

ДА – Можеби немате време за кафе, но секогаш можете да им 'пуштите едно' на Фејсбук и така да ги потсетите дека е време да се договорите да се видите.

НЕ – Не очекувајте дека ќе ги изградите или сочувате пријтелствата, ако единствено разговарате онлајн.