Бидете попаметни секој ден!

На сопственото помнење и концентрација можете да поработите со кратки и секојдневни вежби кои не одземаат многу време. Во денешно време...

 

...навикнавме на инстант забава пред телевизорот и на интернет, заради што и се помалку го вежбаме мозокот.

Одвојте малку време и подобрете го своето помнење.

1. Читајте.

Вратете се повторно на читањето книги. Бидете креативни за време на читањето - не само книги, туку и списанија, поезија, весници.

Замислувајте го она што го читате и обидете се да си го претставите пред очите.

Истражувањата покажале дека оние кои читаат научна фантастика имаат поразвиена емпатија и се социјално попаметни.

2. Решавајте мистерии.

Гледањето телевизиски серии со тема решавање убиства или мистериозна тематика, ја поттикнуваат работата на нашиот мозок.

Се трудиме да размислуваме кој е убиецот, што се крие позади знаците и слично.

3. Свирете.

Вежбањето на музички инструмент ги поврзува и дополнително ги развива клетките во нашиот мозок.

Ако не сте толку вешти, може да се обидете со игри кои нудат симулација на свирење.

4. Користете ги рацете.

Во модерно време навикнати сме се да ни е сервирано – од облека, до храна. Одвојте време и пронајдете интересно хоби кое ќе ги вклучува и вашите раце. Тоа може да биде – цртање, изработка на накит, креативно готвење и слично.

5. Зборувајте паметно.

Не мислиме постојано да солите памет, но потрудете се во разговорите со пријателите да разговарате за посериозни теми. Прокоментирајте ги актуелните вести, книгата која сте ја прочитале, филм кој сте го погледнале.