За што најмногу се каат луѓето пред смртта?

Една медицинска сестра од Австралија многу често била сведок на каење кај лица кои умирале во болницата каде работела.

Со тек на годините таа почнала да го запишува тоа нејзино искуство и на крај сфатила дека најчеста работа за која се каат луѓето на смртната постела е...

„дека немале храброст да живеат живот каков што тие сакале, а не каков што другите сакале за нив“

Речиси сите ние имаме моќ самите да си донесуваме одлука каков живот ќе живееме. Но, многу често заглавуваме во ситуации за кои се каеме искрено после некое време и би сакале да можеме да ги промениме и да ја изиграме похрабро нашата животна приказна.

Но, проблемот лежи во тоа што многу често не знаеме што сакаме во животот или знаеме точно што сакаме, но незнаеме како да стигнеме до таму. Кога немаме поставено јасна цел кои ни се приоритети и што навистина сакаме од животот тогаш најчесто одиме каде што одат сите и правиме тоа што сите други го прават.

На секој му се има случено да биде во ситуација во која незнае во што верува и што сака од животот. Но, кога сме неодлучни за нашиот живот, најчесто завршуваме живеејќи живот кој се очекува од нас, а всушност не го сакаме.

Каква личност сакаме да станеме?

Кои се нашите вистински вредности?

Кои се нашите навики?

Единствен начин да не завршиме со живот кој не го сакаме е да се запознаеме целосно, да имаме јасна цел и мотив во животот и нашите навики и вредности да ги ориентираме кон тоа да ги постигнеме овие цели.

А. В. | Црнобело