Зошто невестите имаат деверуши?

Со почетокот на пролетта, почнуваат и многубројните венчавки на кои ќе бидете поканети. Но, позади секоја венчавка стои некаква традиција која се повторува од генерација на генерација.

Идејата да се има деверуши на свадбата кај нас е дојдена од холивудските филмови, меѓутоа позади таа идеја всушност постои долга историја.

Традицијата почнала во антички Рим кога за една венчавка да се смета дека е легална, на венчавката морало да присуствуваат 10 сведоци. Улогата на деверушите била да се облечат слично или исто како невестата со цел да ги залажат лошите духови или непријателите од вистинскиот живот, и да ја свртат нивнита лоша енергија кон себе, со цел да ги заштитат младоженецот и невестата.

Во викторијанската ера, деверушите добиле и нова улога слична на денешната модерна улога со тоа што помагале во организирањето на венчавката. Сепак, продолжиле да ги гонат лошите духови со тоа што фрлале цвеќиња, тревки и лук одејќи кон олтарот.

Од таму доаѓа и идејата за букетот кој модерните деверуши го носат на венчавките денес.

А. В. | Црнобело