Првите очила со „вграден Инстаграм филтер“ го прават светот поколоритен

Сите ние понекоаш чувствуваме дека немаме доволно светли бои во нашите животи.

Можеби ова се должи на тоа што секогаш фотографиите пред да ги објавиме на социјалните мрежи ги обработуваме користејќи најразлични филтри.

Тоа овозможува небото да добие идеално сина боја, а цвеќињата да заблескаат во позаситени бои.

Сето ова станува реалност користејќи ги новите очила со врградени филтри, благодарение на кои целиот свет ќе заблеска во најживописни бои.

Гледањето на светот преку розови наочари често се користи во апсурдна смисла. Меѓутоа што доколку земете очила преку кои ќе гледате посветли и позаситени бои?

Ова е овозможено преку британскиот стартап „Tens“. Имено, овие момци произведуваат многу необични очила за сонце со вграден филтер за боја. Нешто слично како Инстаграм, но во реалноста. И без „лајкови“.

На прв поглед овие очила делуваат слично како и сите останати очила. Трендовски дизајн и затемнети стакла.

Но, при нивна употреба разликата е очигледна. Специјално дизајнираните стакла нудат поинтензивни бои, кои често се менуваат до непрепознатливост.

Овие очила се откриени од страна на фотографите при една нивна посета  во Шведска.

Импресионирани од локалните бои и убавината тие одлучиле да најдат начин како дури и досадниот градски пејзаж да го направат помалку сив и попривлечен.

Но, дури и  без овие филтри, очилата изгледаат стилски, и со сигурност ги штитат очите од ултравиолетовите зраци.

Цената од 60-80 евра им овозможува да се натпреваруваат со останатите дизајнери и големите брендови.

М. С. | Црнобело