Пријателствата нè прават посреќни од семејствата, затоа ценете ги

Уште од мали нозе бевте убедени дека најдобриот/ата пријател/ка ве прави посреќни и поисполнети? Дека со него/а можете сè да споделувате?

Не сте биле далеку од вистината.

Ново истражување направено на Универзитетот во Мичиген открива дека пријателите нè прават посреќни и поздрави отколку членовите на семејството.

„Пријателите се свесен избор, додека семејните односи можат да бидат сериозни, негативни и еднолични“ - вели Вилијам Чопник, авторот на истражувањето и психолог.

Инаку, самото истражување било поделено на два дела.

Во едниот дел биле анкетирани околу 300 луѓе на возраст од 15 до 99 години во повеќе од 90 земји.

Откриено е дека на повеќето испитаници далеку поважни им биле пријателствата.

Во другиот дел биле испитувани 7.48о луѓе постари од 50 години. Истите биле следени во текот на 6 години.

Заклучено е дека ако пријателствата стануваат полоши и подалечни, тогаш и стапката на болести се зголемува.

Од друга страна пак, семејството нема многу врска со здравјето.

Партнерите и децата влијаат на нас, но не толку колку пријателствата.

Чопник вели дека пријателствата ни помагаат да одржуваме одредено ниво на висока самодоверба и да се соочуваме со стресот.

Н. Г. | Црнобело