Никогаш не се виновни, сакаат скапи подароци: 5 ситници по кои ќе ги препознаете „нарцисите“

Нарцисоидните луѓе околу нас тешко може да се препознаат веднаш. На прв поглед изгледаат нормално, дури и допадливо и пријателски.

Но, по некое време сфаќаме дека сите реченици ги почнуваат со „јас“, се грижат само за своите желби и мислат дека се најдобри во сé. Колку и да глумат, има неколку работи што ги издаваат:

Лутина

Лутината е природна реакција на сите нас. Но, кај нарцисоидните личности е поизразена. Нивниот бес го искажуваат во неколку фази. Прво, негираат дека се лути и се прават дека ништо не им е. Ако се најдете во ваква ситуација, пробајте да останете смирени и на мирен начин да го решите проблемот.

Промени на расположение

Кај никој нема толку изразени промени на расположението како кај „нарцисите“. Од смирен и спокоен, за кратко време знае да полуди, и тоа за обична ситница. Во ваков случај, повлечете се и оставете работите да се „оладат“.

Обвинување други

Нарцисоидните луѓе за себе сметаат дека се најдобри и најпаметни, па никогаш не признаваат вина. Тие се секогаш жртва и секогаш други им се виновни за настанатите проблеми. Сакаат да ги казнуваат другите за нивните сопствени грешки. Не паѓајте во вакви замки.

Не се сите гласни

Не се сите „нарциси“ гласни. Многу од нив се тивки и повлечени. Првиот тип отворено ги изразуваат негативните чувства, додека вторите седат, внимателно посматраат и чекаат да дојде нивниот ден за одмазда.

Материјалисти

Нарцисоидните личности се грижат за тоа како изгледаат. Всушност, тоа им е меѓу најважните работи во животот. Сакаат луксуз, трошење пари на облека и скапи предмети, сé со цел другите да им завидуваат и да докажат дека тие се најдобри и најуспешни.

М. В. | Црнобело