Јога вежби кои ќе ви помогнат побрзо да заспиете

Многу луѓе ја имаат таа моќ кога ќе легнат во кревет веднаш да заспијат, но има и многу на кои тоа едноставно не им успева.

Ако сте од вторите, сигурно ви се случило да легнете и долго време да се превртувате во кревет, па да седите на телефон или да пуштите филм за да може да заспиете.

Сепак, не е сѐ така црно и постои начин на кој ќе може да го смирите невниот систем, да се ослободите од стресот и да се релаксирате за неколку минути.

Овие 6 едноставни јога пози ќе ви помогнат да заспиете „како бебе“:

1. Нозе кренати на ѕид

Легнете на грб со нозете кон ѕидот и ставете перница под половината. Кренете ги нозете така што петите и колената ќе бидат во иста линија, а рацете спуштете ги исправено покрај телото.

Останете во оваа позиција 2 минути.

2. На стомак

Легнете на стомак врз перница и вкрстете ги прстите на рацете зад грбот. Вдишете длабоко, свиткајте ги грбот и стапалата и обидете се да ги допрете петите со вашите раце.

Потоа полека спуштете се надоле, издишувајќи. Повторете ја вежбата 5-10 пати.

3. Раширени нозе

Седнете со нозете широко одвоени и ставете перница пред вас. Исправете го грбот и вдишете најдлабоко што можете. Потоа, полека издишувајте и истегнувајќи ги рацете нанапред легнете на перницата.

Лежете во оваа позиција, вдишете и издишете 10 пати и потоа кренете се.

4. Споени стапала

Легнете на грб врз перница, спојте го долниот дел на двете стапала и раширете ги колената нанадвор. Рацете спуштете ги исправено покрај телото со дланките свртени нагоре. Дишете длабоко и еднакво.

Останете во оваа позиција 3 минути.

5. Вртење во легната позиција

Легнете на грб, свиткајте ги колената и спојте ги. Полека навалете ги нозете на едната страна, држејќи ги со рацете. Останете во таа положба 1 минута, а потоа сменете страна. Повторете 2 пати на секоја страна.

6. Лежење на грб

Легнете удобно на грб врз перница. Раширете ги малку нозете и ставете ги рацете покрај телото со дланките нагоре. Главата и рбетот нека бидат во иста линија. Вдишете длабоко 3 пати и издишете низ нос.

Потоа вдишете 4 пати нормално и до тој момент веќе ќе треба да се чувствувате поспано и ќе заспиете во длабок сон.

М. М. | Црнобело