9 тајни кои кино салите ги кријат од вас

Сите сакаме да гледаме филмови на големото платно во кино салите. Но многу работи ни се нејасни во врска со киното. На пример, зошто пуканките се скоро исто толку скапи како и билетот?

Дознајте ги тајните кои кината ги кријат од посетителите:

Заради краткото време помеѓу две проекции, вработените не ги чистат доволно добро кино салите

Сте приметиле ли дека подот во кино салите честопати знае да биде многу нечист и леплив, иако вработените ги чистат салите после секоја проекција?

Тоа е затоа што во времето помеѓу два филма, вработените имаат доволно време само за да ги заметат подовите, а понекогаш и тоа се прави многу невнимателно.

Темелното чистење на подовите со средство се прави навечер, дури откако ќе завршат сите проекции.

На вработените им е полесно да ги соберат отпадоците ако ги оставите на столчињата, наместо под нив

Се разбира дека најдобрата опција е да ги фрлите отпадоците во канта, но доколку сте решиле да ја оставите кутијата со пуканки, тогаш подобро е да ја оставите на седиштето наместо да ја фрлите на подот.

Така вработените полесно ќе можат да го соберат ѓубрето откако ќе заврши филмот.

Високите тонови во кино салите можат да ви го оштетат слухот

И покрај тоа што постојат стандарди кои мора да ги задоволи секој аудио систем, сепак некои кино сали го регулираат сами аудио-системот.

Внимавајте на акциони филмови со многу експлозии и сцени со пукање, бидејќи за време на овие сцени, јачината на звукот знае да го надмине дозволеното ниво. Со други зборови, избегнувајте акциони филмови во кино.

Цените на пуканките се неоправдано високи

Според неколку извори, 300 грама пуканки може да чинат повеќе од добар квалитетен стек со истата тежина. Цената на пуканките е толку висока што повеќе ви се исплати да одите во добар ресторан.

Пуканките кои ги купувате во кино се многу поскапи за разлика од цената по која тие ги набавуваат.

До 1981-ва година седиштата немале држачи за чаши

Држачите за чаши се измислени во 1981, околу 60 години после отварањето на првото кино со климатизација во САД. Патем, пуканките почнале да стануваат заштитен знак за кината за време на Втората светска војна, кога имало недостаток на шеќер и кината престанале да продаваат бонбони.

Зошто пуканките мирисаат толку добро?

Има неколку причини зошто толку многу нè привлекува мирисот на пуканки. Како прво, кината најчесто имаат свој таен рецепт за состојките кои им даваат неверојатен мирис.

На пример, некои кина додаваат мешавина од кокос и синап. Второ, секогаш постојат вештачки адитиви кои се додаваат за појак вкус и мирис.

Најмалку еднаш неделно се исфрла по еден заљубен пар од кино сала

Оние кои сакаат гушкање, бакнување и засрамување на гледачите околу нив, треба да знаат дека кино салите имаат камери што ги фаќаат на дело.

Во моментот кога ќе бидете забележани, ќе бидете предупредени од некој од вработените или доколку сте претерале, дури може да бидете и исфрлени од салата. Најдобро решение за вас е да си пуштите филм дома.

Специјалните понуди не ви заштедуваат пари

Менијата кои вклучуваат комбинации на пуканки, сок или други грицки, најчесто не ви заштедуваат пари.

Ако ги соберете цените на секој од производите поединечно, ќе сфатите дека нема многу разлика од единечните цени со онаа на специјалната понуда. Најмногу ќе заштедите ако нарачате помала порција.

Пуканките не се секогаш свежи

Најголем дел од вработените во кината признаваат дека најдобра работа во врска со пуканките е фактот што тие не се расипуваат со денови.

Ако пуканките не се продадат вечерта, вработените ги пакуваат и ги чуваат во пластични кеси за следниот ден. Следниот ден само ги загреваат и повторно ги продаваат.

(О)Милена | Црнобело