Кралица на восочните фигури: Која била Мадам Тисо и зошто музејот е крстен по неа?

Кога во музејот „Мадам Тисо“ ќе се појави восочна фигура на некој актер, пејач или политичар, тоа обично значи дека тие личности успеале во животот.

Познатиот музеј од Лондон посветен на популарната култура веќе го има на повеќе локации низ светот и претставува една од најголемите светски атракции.

Но, која била всушност Мадам Тисо, дамата по која овој музеј го добил името?

Мари Тисо била Французинка родена во 1761 година. Нејзината мајка работела како слугинка кај докторот Филип Куртиус кој изработувал восочни фигури за да ја илустрира анатомијата.

Семејството Тисо живеело во неговата куќа, а Мари уште од мала била маѓепсана од работата на докторот. Тој ја подучувал во занаетот и Мари веќе на 16 години ја изработила првата восочна фигура за која ѝ позирал Франсоа Волтер.

Во текот на нејзиниот живот, Мари изработила илјадници восочни фигури на познати личности, меѓу кои и Жан Жак Русо и Бенџамин Френклин.

Марија Антоанета и Луј XVI биле воодушевени од нејзината работа, а и самата Мари исклучително го почитувала кралското семејство. Поради тоа, за малку ќе завршела на клада, но била спасена во последен момент.

Во 1802, се преселила во Лондон за да ги претстави своите восочни портрети, заедно со магионичарот Пол Филидор. Својот мемоар го напишала во 1838-та, а починала во 1850-тата, на 88 години. Нејзината работа ја наследил синот Франсоа, него го наследил неговиот син, а него неговиот син Џон Теодор Тисо.

Неколку интересни информации за музејот „Мадам Тисо“:

Сите фигури се за 2% поголеми од вистинската големина на луѓето, поради насобирањето на восокот.

Една од ретките познати личности кои одбиле да позираат за овој музеј била Мајка Тереза.

Косата на фигурите редовно се мие, а шминката се поправа.

Во моментов постои 21 музеј „Мадам Тисо“ во светот.

М. В. | Црнобело