Реалност vs. Инстаграм: Блогерка преку фотки по бикини ја покажува разликата
Ништо не е така како што луѓето очајно се обидуваат да го престават на социјалните мрежи. Карина Ирбу, блогерка за фитнес и сопственичка на компанија за продажба на костими за капење од Австралија, преку нејзините фотки сака да го докаже токму тоа.
Таа реши да си поигра со своите следбеници на Инстаграм и сподели фотка на која позира во бикини, со и без Фотошоп.
На фотката која е правена со Фотошоп, кожата на Карина е измазнета, задникот е зголемен, стомакот е вовлечен, целулитот не се гледа и градите се поголеми.
„Секој ден гледам девојки кои споделуваат нереални фотки на Инстаграм профилите, а не се свесни дека има илјадници млади девојки кои ги гледаат како пример и им се воодушевуваат.
А, вистината е дека овие Инстаграм девојки воопшто не изгледаат така во реалноста. Тие се обични, како сите нас“, вели Карина. Карина и претходно има споделено фотка без да ја средува во Фотошоп, со истата цел.
Нејзината порака гласи: „Девојки, не сме тука за да се натпреваруваме една со друга. Само сакам да ве инспирирам да се сакате такви какви што се, да не верувате на лажните фотки и да не го сфаќате Инстаграм премногу сериозно“.
М. В. | Црнобело
Би можело да ве интересира:
Препорачуваме
Најчитани неделава
