Најмладите милијардерки се од Норвешка: На што ги трошат парите сестрите Андерсен?

Александра (21) и Катарина (22) ги заземаат првите две места на листата на најбогати милијардери под 27 години.

За поголемиот број на луѓе, животот во дваесеттите години е постојано балансирање помеѓу финансирањето на факултетот и обидите да бидат независни, но истовремено и да се забавуваат.

Но, ова не е случај со светската млада супер богата елита. На самиот врв од оваа група привилегирани се сестрите Александра и Катарина Андерсен, кои сѐ уште живеат во домот на своите родители.

Нивниот татко Јохан Андерсен е норвешки бизнисмен, кој работи во доменот на инвестициското банкарство, и на име на своите ќерки во 2005 година го препиша поголемиот дел од богатството.

Александра (21) има богатство од 1,3 милијарди долари. Таа е вљубеник во јавањето на коњи и е сопственик на најмалку четири коњи. Постојано се грижи тие да добиваат најдобра можна нега, а е дел и од тимот за дресирање во Норвешка.

Како и многу свои врсници обожава да се забавува со чаша мартини во некое од кафулињата во својата татковина.  Александра обожава и планинарење, риболов и други активности на отворено.

За себе вели дека е џетсетерка и едно од нејзините највпечатливи патувања годинава беше тоа во Мумбаи, Индија.

Катарина (22) заедно со сестра си Александра има пет кучиња од кои булдогот е купен за 1.320 долари.

Катарина обожава да ги следи модните трендови, а омилена ѝ е чантата од Луј Витон со цена од 1.870 долари. Таа за себе вели дека е зависна од чевли и има завидна колекција од најпознатите светски дизајнери.

С. С. | Црнобело