Oсновни бонтон правила по кои се водат вистинските Англичани

Според дефиниција, бонтонот е код за културно однесување, но не се работи само за манирите.

Тука се вклучени и знаењето и вештините кои ќе ви помогнат да се прикажете во најдобро светло и достоинствено во секоја ситуација.

Никогаш не е доста од нови правила за однесување, па доколку сакате да видите како тоа Англичаните го прават, пточитајте ги основните бонтон правила според нив:

Поздравување

Правилното поздравување е многу важно, бидејќи со тоа го оставате првиот впечаток. Затоа треба да знаете неколку правила:

Ракувањето е брзо, без долго држење на нечија рака. Почитувајте го личниот простор на соговорникот и не го тапкајте по рамо.

При поздравување со дама, мажите можат малку да се наклонат.

Манири за средба со луѓе

Точноста е многу важна – кога одите на состанок, треба секогаш да бидете на време или неколку минути порано. Ако доцнењето е неизбежно, тогаш е културно да се јавите и да се извините.

Давајте комплименти почесто – соговорникот ќе се чувствува попријатно и ќе ги покажете вашите квалитети и манири.

Облека

Соодветната облека дава повеќе самодоверба и ве издвојува од останатите. Не мора да купувате скапи одека, но, на пример мажите, најважно е да внимаваат на чевлите кои треба секогаш да се во добра состојба и да бираат соодветно палто.

Не купувајте облека која ви е широка во рамената или ви е премногу мала. Сите деловите од оделото треба да ви одговараат на стилот и големината.

Ракавот на сакото или јакната треба целосно да го поклопува зглобот, но потрудете се должината да не достигне до почетокот на палецот.

Според бонтон правилата за машкиот стил, најдолното копче на сакото треба да биде откопчано и исто така е важно да бирате горен дел според обликот на телото.

Кога станува збор за стилот на жените, исто така е важно облеката да одговара на телото и големината. Традиционално, препорачливо е жените да бираат темен долен дел (здолниште) и светол горен дел. Оваа комбинација ја истакнува фигурата, а истовремено изгледа елегантно и скромно.

Скромноста исто така се запазува и во аксесоарите. Премногу накит од различен тип значи лош вкус.

На маса

Ако сте поканети да седнете на ручек/вечера или прослава каде што има и непознати луѓе на маса, не им се обраќајте додека не ве запознаат еден со друг, бидејќи  непристојно.

Внимавајте на рацете. Не ги ставајте на маса, туку држете ги на скут. Истото важи и за телефонот чие место не е на маса.

Во ресторан

Ако кажете „Те канам“ пред да одите во ресторан, тогаш вие плаќате, ако кажете „Ајде да одиме во ресторан“, тогаш секој плаќа за себе.

Приборот и садовите на маса се во огромен број, па за полесно да запомните што е што, погледнете ја следнава шема:

• 1 – салфета за во скут
• 2 – виљушка за салата
• 3 – виљушка  
• 4 – тањир
• 5 – тањир за салата
• 6 – нож
• 7 – лажичка за чај
• 8 – лажица за супа
• 9 – шолја и тацна (за десерт)
• 10 – чаша за бело вино
• 11 – чаша за црвено вино
• 12 – чаша за вода
• 13 – лажичка за десерт
• 14 – виљушка за десерт
• 15 – нож за десерт
• 16 – тацна за леб

Како да ја полните чашата и да пиете

За жените, важно е да запомнат дека не треба да остават траги од кармин на чашата. Пред да се напиете, впијте го карминот во марамче.

На маса, секој сам си ја полни чашата, а мажите за да се покажат во добро светло, треба прво да ја понудат дамата.

Не ги полнете чашите до горе, посебно кога се со вино. Кога пиете, внимавајте да не се истурите.

И најважно – како правилно се пие чај

Шеќерот во чајод се растопува нежно, без да тропате со лажичката по ѕидовите на шолјата.

Лажичката не се остава во шолјата, ниту во тацната, туку на страна.

Со едната рака се држи шолјата, а со друга тацната.  

М. М. | Црнобело