Како да преживеете под урнатини + 4 други тактики за во опасни ситуации

Потребни ви се вештини ако некогаш во животот се најдете во некоја неверојатна тешка ситуација во која животот ви е загрозен.

Се надеваме дека никогаш нема да имате шанса да ве нападне диво куче, да ве касне отровна змија, да се изгубите на отворено море, да сте затрупани под урнатини или да лутате сами низ пустина, но, ако ова ви се случи, неопходно е да знаете соодветно да се однесувате.

Шансите за преживување во вакви смртоносни ситуации се 100% во ваши раце, затоа делувајте внимателно:

Ако сте на отворено море

Замислете дека сте среде отворено море на брод. Што да сторите за да преживеете?

- Има храна во морето, но мора да ја фатите. Во 1942 година еден англиски морнар преживеал 133 дена на море затоа што успеал да направи импровизирана трска. Ако вие немате материјал за тоа, искористете ја барем вашата кошула како мрежа, нурнете во водата и уловете некои алги.

- За да имате вода направете дестилатор. Потребни ви се два сада, голем и мал, и парче полиетилен. Ставете ги еден во друг, а во големиот ставете ја нечистата солена вода. Покријте ги со парчето полиетилен и во средината ставете камен. Водата од големиот сад ќе испари, ќе остане на материјалот и ќе се преточи во малиот сад.

- Од топлотен удар човек може да умре побргу отколку од глад. Плус, сонцето се рефлектира од водата и ги оштетува вашите очи. Затоа соблечете дел од облеката и покријте ги вашата глава и очи.

Ако се изгубите во пустина

- Обидете да се движите во текот на ноќта, тогаш температурата може да падне од +50 на +15 °. Така драматично ќе го намалите ризикот од дехидрација и топлотен удар. Со оваа тактика ќе зачувате и до 3 литри вода на ден.

- Многумина веруваат дека има вода во кактусите, но во внатрешноста на кактусот има алкална токсична течност. Ако ја пиете може да се отруете.

- Вода во пустината може да пронајдете во подземни извори, кои може да се лоцирани на мали длабочини под површината.

Ако сте под урнатини

Ако поради земјотрес завршите под урнатини, најдрагоцено нешто ќе ви биде е воздухот. Затоа за да не го трошите залудно, треба да делувате мудро.

- Вдишувајте длабоко, издишувајте бавно. Не палете запалка или кибрит, тоа го намалува кислородот.

- Не плачете. Вресоците ќе ви ја интензивираат паниката, дишењето и срцебиењето, а со тоа и протокот на воздух.

- Соблечете ја маицата и врзете ја околу главата. Ќе ве заштити од гушење од правот.

Ако ве нападне волк или агресивно куче

Волкот или агресивното куче ќе ве нападнат ако им ја загрозите нивната територија. Ако ве забележи, бавно ќе ви се приближи одржувајќи контакт со очите.

- Не вртете му го грбот и не бегајте. Кога е сам тој нема да ве нападне однапред. Бегајќи го провоцирате да ве брка.

- За да го исплашите, направете колку што можете врева и делувајте агресивно. Викајте, зборувајте гласно и полека повлекувајте се назад.

- Ако сретнете глутница волци или агресивни кучиња, тогаш не дозволувајте да ве обиколат. Стојте со грбот до некое дрво и обидете се да се качите на него.

Ако ве касне отровна змија

Ако ве касне отровна змија веднаш целата област започнува да ве боли. Бојата на крвта може да ви стане дури и сина. Ќе имате голем оток, како и главоболка, заматен поглед, вртоглавици, треска. Што да сторите?

- Докторите не советуваат да го исцицате отровот затоа што може да имате ситни ранички на устата и отровот преку нив може да ви влезе во крвта.

- Но, ако сте далеку од болница, тогаш не постои друг излез. Исцицајте го отровот 1,2 секунди по каснувањето, постојано плукајќи и плакнејќи ја устата.

- Не употребувајте тутун за да ја сопрете крвта. Дозволете ѝ на крвта да тече - со тоа ќе излезе и дел од отровот.

С. С. | Црнобело