Дали обична личност може да слета авион? Одговорени најчестите прашања на патниците во авионите

Дали авионот може да слета со опцијата автопилот?

Во модерните авиони, контролните системи може да го спуштат авионот од 300 метри висина, па речиси до целосно слетување на пистата.

Слетувањето може да биде со автопилот, но сепак пилотот мора да ја активира оваа опција и да ја надгледува, поставувајќи одредени упатства за слетувањето.

Итно слетување на земја или вода, кое е побезбедно?

Зависи од моделот на авионот, но во повеќето случаи полесно е на земја. Водата не само што брзо ќе го поплави авионот, но и поради нејзината густина може да биде „потврда“ подлога за слетување.

Според статистиките при итни слетувања на земја има поголема шанса за преживување.

Како јадат пилотите за време на лет?

За пилотите постои специјално мени со неколку јадења од кои може да бираат. Ако првиот пилот сака пилешко на пример, вториот пилот ќе мора да јаде риба или друг тип на месо. Ова е најдобар начин за да се избегне труење од исти продукти.

Пилотите јадат зад кормилото на специјални маси. Но, во некои авиокомпании правилото пилотите да не јадат иста храна не се почитува.

Што е пострашно судир со птица, град или удар од молња?

Молњи често ги погодуваат авионите, но патниците не ни забележуваат во најголем дел од случаите. Понекогаш се случува проблем со електрониката, но со следење на куси инструкции пилотите го враќаат авионот во нормала.

Птиците се пострашни од што изгледаат. Поради влегување во турбините можни се дефекти со моторите, па дури и палење. Исто така, не секое ветробранско стакло може да преживее судир со птици, па затоа аеродромите имаат системи што испуштаат специјални звуци, кои ги плашат и бркаат птиците.

Страшна е и средбата со град, но лесно е да се детектира градот и да се лета околу реонот со агресивни временски услови.

Дали обична личност може да приземји авион?

Ако станува збор за модерен авион, постои шанса.

Неодамнешните искуства на симулаторот покажаа дека некои стјуардеси може совршено да се справат со оваа задача.

Зошто патниците не добиваат падобрани?

Ќе ви звучи чудно, но падобранот тешко дека ќе ви го спаси животот ако авионот почне да откажува. Повеќето луѓе, дури и оние смирените во случај на панична ситуација, тешко дека ќе може да скокнат на страна од авионот и да не настрадаат.

Авионот мора да лета бавно на висина не поголема од пет километри над земјата.

Колкава е веројатноста да се судрат два авиона на небото?

Најголемата незгода со авиони се случила не на небото, туку на земјата во 1977 година, кога два авиона се судриле и настрадале 583 луѓе. Авионските судири на небото ретко се случуваат.

Според статистиките незгодите најчесто се случуваат 3 минути по полетувањето и 8 минути по слетувањето. Дури и при авионска незгода, 95.7 проценти од патниците преживуваат.

С. С. | Црнобело