Богатство преку ноќ: Случајни откритија на 6 обични луѓе кои им донеле многу пари

Скромно наследство или стар предмет купен на пазар, понекогаш може да крие огромна вредност и да ви го промени животот.

Во свет во кој ни станува сè потешко да поверуваме дека чуда навистина се случуваат и дека животот може да ви се промени на подобро за миг, овие приказни ќе ви го разубават денот.

Неколку луѓе ја имале среќата ненадејно да добијат огромно богатство:

Украс купен на пазарот за стари работи

Еден Американец на пазарот за стари работи купил метално јајце со бисери и часовник во внатрешноста за 14.000 долари со намера да го продаде за подобра цена и да заработи.

Но, не пронашол купувач веднаш, па одлучил да го истражи потеклото на овој предмет.

Гледајќи внимателно го пронашол написот Vacheron Constantin на јајцето и со пребарување на интернет открил дека ова е велгиденско јајце порачано од императорот Alexander III од Carl Faberge за неговата сопруга Maria Feodorovna за Велигден во 1887.

Поради својата љубопитност Американецот станал побогат за 33 милиони долари по продажбата на јајцето.

Злато на плажа

Одејќи по плажата со метален детектор во близина на градот Баларат во Австралија, трагач по злато, кој бил аматер, открил необичен предмет на длабочина не поголема од 60 сантиметри.

Тој почнал да копа и открил дека станува збор за злато, кое тежело 5.5 килограми.

Вредноста била повеќе од 300.000 долари. Ентузијастот преку ноќ станал богат човек.

Скапоцен автомобил во гаража

Во Вајоминг човек си купил убава куќа за 285.000 долари. Во склоп на куќата имало и гаража, но купувачот при разгледувањето не обрнал многу внимание на неа.

Но, најголемото изненадување се криело токму таму. Под слој од прашина имало Ferrari 330 GT од 1966 година во одлична состојба.

Вредноста на автомобилот била проценета на 500.000 долари.

Античко богатство во дворот

Во 2009 година еден англиски фармер со детектор за метал во својот двор го барал изгубениот прстен на ќерка си, но тогаш открил низа златни и сребрени предмети од 7-миот век.

Тежината била 7.5 килограми, а вредноста 5.3 милиони долари.

Бидејќи богатството припаѓало на државата, фармерот добил половина од сумата на која било проценето богатството, но и со тоа бил и повеќе од задоволен.

Стар стол со огромна вредност

Брачен пар од Шкотска купил стар стол за 5 фунти, но бидејќи немале пари за реставрација, столот го ставиле на таванот и стоел таму 6 години.

Кога конечно одлучиле да го направат, по отстранувањето на дел од ткаенината, пронашле накит со дијаманти.

Во 2016 година проценката открила вредност од 5 илјади фунти.

Скромно наследство со богата позадина

Еден француски граѓанин наследил имот во Нормандија. Кога почнал да го средува домот тој нашол низа кутии со злато, чија вредност била проценета на 3.7 милиони долари.

Но, радоста на човекот била намалена кога дознал дека според законите на Франција тој мора да плати данок во износ од 45 проценти од целата сума.

С. С. | Црнобело