Митови за Африка во кои треба да престанеме да веруваме

Африка за нас е далечен континент за кој ретко кој знае нешто повеќе, а уште поретко на некој му паѓа напамет да го посети.

Многумина веруваат дека таму живеат само племиња и дека е многу небезбедно, но ова нема никаква врска со реалноста.

Митовите кои се шират со години, од колено на колено, ни создаваат многу погрешна слика за многу работи, па така и за овој континент.

Прочитајте неколку митови за Африка во кои треба да престанете да верувате и вистината за нив:

Мит бр.1: Не постои технолошки развој во Африка

На многумина им е познато дека Африка е создадена од земји во развој, но тоа не значи дека на овој континент луѓето живеат во средниот век.

90% од Африканците имаат мобилни телефони, а има и програмери кои создаваат нивни апликации и уреди.

На пример, локалните девелопери создале апликација која им служи на фармерите за препораки во сточарството, како и за информации поврзани со природни катастрофи.

Ви некои земји во Африка исто така се произведуваат и автомобили.

Мит бр.2: Африка – жешка пустина

Кога ќе се спомне Африка, многумина прво помислуваат на Сахара, па сè ги асоцира на жешка пустина.

Но, покрај пустинскиот дел, постојат и снежни места, како планината Килиманџаро.

А, на некои места во Африка, температурата не надминува 27˚С.

Мит бр.3: Во Африка живеат само луѓе со темна кожа

Многу луѓе веруваат дека во Африка живеат исклучиво луѓе со темна кожа, но всушност, овој континент е дом за повеќе од милијарда луѓе со секаква боја на кожа.

Мит бр.4: Африка има многу висока стапка на криминал

Постои мислење дека во Африка туристите се изложени на опасност заради високото ниво на криминал.

Но, всушност, туризмот на овој континент е многу развиен – само во Јужна Африка има околу 1.5 милион туристи годишно, а како дестинација е најпопуларна помеѓу туристите од западните земји.

Мит бр.5: Во Африка се живее потпросечен живот

Луѓето очекуваат сместување во шатори и се подготвени да видат многу сиромаштија. Но, всушност, има земји кои живеат под просечното ниво и прилично сиромашно, но има и такви каде економско ниво се разликува многу малку од останатите земји во развој.

Во меѓувреме, некои земји многу инвестираат во туризмот, удобните хотели и рекреативни центри.

Мит бр.6: Луѓето во Африка живеат во колиби

Често на сликите од Африка гледаме диви племиња и луѓе кои живеат во колиби. Но, градежништвото во големите градови е многу развиено и има многу високи станбени згради, облакодери и бизнис центри.

М. М. | Црнобело