Еден магичен трик како да направите хејтерите да ве сакаат

Хејтерите се нормален дел од животот, не е возможно сите да ве сакаат, особено ако се истакнувате по нешто.

Како што има тон луѓе што ве сакаат, така во животот нормално е да имате и по некој хејтер.

Хејтерите се лошата страна на успехот. Ако се истакнувате затоа што сте интелигенти или убави или успешни, ќе имате некој што ви завидува. Превртување со очите, зајадливи коментари и тензија секој пат кога сте во истата просторија со нив се очекувани.

Повеќе луѓе ќе ве советуваат да ги игнорирате хејтерите, но ние ќе ве советуваме како да ги претворите во ваши пријатели:

Едноставно побарајте им услуга.

Најбрз и најлесен начин е т.н. Бен Френклин ефектот. Кога на луѓето што не ве сакаат ќе им побарате услуга им се менува перцепцијата на односот помеѓу вас и тие започнуваат да ве гледаат како пријатели.

Услугите се наменети за пријателите, а не за непријателите, па на овој начин го менувате нивниот начин на гледање на работите и нивните верувања.

Барањето услуга, исто така, е суптилен начин на ласкање. Авторот Дејл Карнеги вели дека на овој начин правите да се чувствуваат дека тие имаат нешто што вие немате. Играте со нивниот ум и тие добиваат впечаток дека им се воодушевувате, па не само што ќе сакаат да ви помогнат, туку и сите негативни емоции кон вас ќе ги остават зад себе.

Услугата треба да биде доволно мала за тие да можат лесно да ја остварат, но не и тривијална, па да изгледа како навреда. Проценете ја добро нивната сила, интелект и способности пред да побарате нешто.

Доколку не ги познавате премногу тогаш позајмете нешто, побарајте ситни пари од нив, прашајте ги да ви предложат ресторан или пак замолете ги да ви помогнат со новата апликација на телефонот.

Кога ќе го побарате тоа, мора да звучи како навистина да ви е потребно. Важен е благиот тон и отворениот говор на телото.

Нема да успеете апсолутно сите хејтери да ги претворите во пријатели, но ова ќе ви помогне со голем дел од нив.

С. С. | Црнобело