Два теоретски докази дека можеби имате двојник некаде во светов

Бијонсе, Лејди Гага, Џенифер Лопез и Анџелина Џоли ги пронајдоа своите двојници... Дали и вие би сакале да ја имате таа можност?

Во медиумите постојано осамнуваат фотографии на двојници од познатите личности. Тие често живеат на другиот крај од светот, а изгледаат како да се нивни близнаци.

Па, штом познатите личности имаат двојници, сигурно и вие имате најмалку еден двојник некаде во светот.

Постојат две теории кои се доказ дека е така:

Само 0.1% од геномот е одговорен за уникатноста на личноста

Дури 99.9% од геномот (целосниот збир на наследна информација кај еден организам) е идентичен за целата човекова раса, а само 0.1% е одговорен за уникатноста. А, има уште помалку гени кои се задолжени за нашиот изглед.

Па, покрај големиот број можни ДНК комбинации, сепак во теорија идентичниот изглед не е невозможен.

Познатите личности полесно ги пронаоѓаат своите двојници затоа што јавната професија што ја имаат прави луѓето на сите краеви од светот да го знаат нивното лице. Вашиот „близнак“ можеби живее во Русија, Исланд или пак Аргентина и, за жал, најверојатно никогаш нема да го запознаете.

Сепак, комплетно поклопување или дури и во мал процент се случува многу, многу ретко, но шансата постои.

Може да сте далечни, мноооогу далечни роднини

Ако ја тргнеме на страна генетиката и се концентрираме на математиката, тогаш нашиот двојник може да биде некој наш далечен роднина.

Според пресметките, една личност може да има 250 роднини од околу 8 генерации и за 30 генерации бројот на роднини може да стане поголем од 1 милион. Па, така некогаш во животот може да сретнете некоја ваш далечен роднина, кој има сличен изглед како вашиот.

И ако некогаш не се направи некаква база на сите 7 милијарди луѓе што живеат на Земјата, тешко дека ќе го сретнете вашиот двојник.

Но, замислете на миг дека на светот постои најмалку една личност која изгледа исто како вас. Искрено, дали би сакале да ја запознаете?

С. С. | Црнобело