Едноставен метод од Питагора што ќе ви ја подобри меморијата

Доволно ги вежбавте нозете, рацете и стомакот, време е да го повежбате мозокот, ако не сакате еден ден да бидете бабичка/дедо со огромни проблеми со меморијата.

Ако не го тренирате мозокот редовно, експертите тврдат дека ќе имате големи проблеми со меморијата кога ќе бидете постари.

Брилијантниот метод на Питагора бара минимум напор и дава максимални резултати:

Како функционира?

Секоја ноќ, пред да заспиете, обидете се да си повторите во умот и да запомните сè што се случило во текот на денот, со колку што можете повеќе детали.

Сетете се дури и најминорните работи, како тоа каде ја оставивте чашата од која пиевте сок, дали на масата или во мијалникот.

Каде да започнете?

Започнете од утрото? Што видовте прво кога се разбудивте? Дали партнерот кој спие мирно до вас или погледнавте низ прозорецот?

Потоа продолжете во ист дух и помнете го секој детаљ. Со кого прво се поздравивте на работа, кој седеше до вас во автобусот?

На почетокот ќе ви биде тешко затоа што мислите ќе ви скокаат од една работа на друга, но со текот на времето ќе станувате сè подобри.

Првиот ден од експериментот ќе бидете зачудени од тоа колку малку всушност помните. Но, не се обесхрабрувајте. За само три дена ќе започнете да гледате подобрување.

Ќе станете способни да го фиксирате моментот во вашата глава и со тоа ќе ги елиминирате проблемите со меморирањето на работите.

Како Питагора го користел овој метод?

Питагора и неговите ученици ја користеле оваа техника наутро, не навечер. Но, во модерниот свет, кога уште од утринските часови сме во трка, најдобро е да го сторите тоа навечер.

Наутро сигурно немате доволно време за да успеете да се концентрирате.

Кои се придобивките од оваа вежба?

- Полесно ќе помините информации како: имиња, телефонски броеви, работни обврски итн.

- Повеќе ќе немате проблеми со концентрацијата и помнењето кога подготвувате некоја презентација за на работното место.

- Ќе заборавите на инсомнијата. Заспивањето ќе ви биде полесно откако ќе го изморите мозокот.

- Најважната придобивка е што ќе имате одлична анализа на тоа како го трошите времето и како ги минувате деновите. Ќе знаете што ви носи насмевки, а што ве растажува и ќе започнете да го цените секој миг од животот.

С. С. | Црнобело