Две 100-годишни жени тврдат дека тајната на долговечноста е да останете сингл

Дали се согласувате со овие забавни, 100-годишни дами? Дали немањето брачен партнер навистина носи долг и мирен живот?

Lucy Watson неодамна го прослави 100-тиот роденден и откри дека според неа тајната на нејзиниот долг живот е што никогаш не била во брак.

„Патував и имав многу момчиња. Тоа е многу подобро отколку да се има сопруг. Зошто да си ја уништите забавата?“, вели таа.

Таа била сингл жена која го живеела својот живот во полн здив во Лос Анџелес, а омилена активност ѝ била танцувањето.

„Не е важно каков тип на музика е. Секогаш ги мрдам колковите. Најдобар начин за вежбање е додека се забавувате. Плус, мора да си дозволите да уживате во животните задоволства. Јас на пример обожавам чизкејк.“

Во домот за стари лица Dr Susan Smith McKinney Nursing & Rehabilitation Centre во Бруклин таа живее со уште 5 други лица, кои имаат над 100 години.

Caroline Binns, која сега ќе полни 101 година, вели дека одбила 5 понуди за брак во текот на животот.

„Сакам да бидам оставена на мир, а не на парчиња. Сите тие беа многу фини мажи, но навистина не сакав стрес“, изјави таа и исто така заклучи дека статусот сингл е рецепт за долговечност.

С. С. | Црнобело