На право место во право време: Оптички илузии од секојдневни ситуации

Фотографот Jonathan Higbee создава колекција од фотографии наречена „Случајности“, на кои се прикажани секојдневни моменти низ улиците на Њујорк.

Она што е невообичаено и карактеристично за нив, е тоа што секоја фотографија од оваа серија, открива интересна оптичка илузија.

Тој фотографира ситуации во вистински момент, па така нечија коса може да личи на пареа, или некој човек може да изгледа многу поголемо отколку во вистинскиот живот.

Фотографот вели дека не постои посебна причина за ова, туку едноставно работата на овој проект за него претставува смирување на градскиот хаос.

„Градот можеби е во гужва и непрeдвидлив, но исто така и ве инспирира да верувате дека сè е можно и може да се достигне.“ – изјавил тој.

За неговата колекција вели дека е „бесконечен број на магични, неочекувани и непредвидливи моменти кои го прават Њујорк посебен.“

Сепак, признава дека е навистина тежок предизвик кој одзема многу време и дека постојано се навраќа на една иста локација за да го дочека моментот кој тој го замислил.

А, резултатот е навистина интересен и неочекуван:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело