Дали на интровертните личности им е потребен подолг сон?

Дали сте дел од оние личности кои повеќе од сè сакаат да се излежуваат во кревет? Дали ви е екстремно тешко да станете наутро? Дали цел ден сонувате повторно да се вратите во прегратките на меката постела?

Доколку сте интровертна личност може почесто да се најдете во ситуација кога, наместо да излезете со вашето друштво, посакувате само да се стуткате во кревет и да гледате цела сезона од некоја нова и интересна серија. Точно е дека интровертите се личности кои со задоволство би ги откажале сите идни планови само за да поминат подолго време во удобноста на спалната соба.

Но, дали тоа значи дека на интровертите му е исто така потребен подолг и поквалитетен сон?

Можеби тоа е реченица која сите интроверти потајно си ја повторуваат, а некои ја користат и како изговор. Но, дали науката е на страната на интровертите?

За жал, науката вели дека на сите ни е потребен квалитетен сон од минимум 6-8 часа, но менталниот склоп на интровертите прави тие да бараат подолго време за одмор. Но, тоа не значи и спиење. Едноставно секој интроверт чувствува потреба од подолго време за релаксација, мир и тишина.

Според психолозите, не само што интровертите и екстровертите имаат различни карактерни особини, тие потполно се разликуваат во биолошка смисла. Интровертите имаат намалена сензитивност на допамин (невротрансмитер во мозокот поврзан со чувството за награда) за разлика од екстровертите и поради тоа интровертите се чувствуваат посреќно доколку се оставени сами.

Екстровертите од друга страна чувствуваат поголема потреба за социјална интеракција за да се почувствуваат стимулирано. Интровертите во социјални ситуации се чувствуваат престимулирано и преморено што предизвикува нивото на нивната енергија да опадне.

Тоа е најголемата причина поради која интровертите често се чувствуваат изморени и престимулирани и причина поради која многу почесто му е потребен одмор.

Но, на крај сите заслужуваме барем еден екстра час за спиење. Нели?

К. Д. | Црнобело