Никој не знаел дека е уметник сè до неговата смрт: Финецот кој рачно создал цел музеј

Никој не знаел дека овој работник во фабрика во својот приватен живот бил уметник, сè до неговата смрт. Тој зад себе оставил цела шума преполна со негови скулптури.

Веијо Ронконен бил сметан за самотник. Тој работел 41 година во мелница за хартија и скоро никогаш не прошетал никаде освен до работа и назад до неговата фарма на која живеел. Никој не го научил да биде уметник, но кога умрел, зад него практично оставил музеј на отворено.

Шумата која го обиколува неговиот дом е полна со скулптури од човечки фигури од сите возрасти и култури, отсликувајќи ги сите емоции кои можете да си ги замислите.

Роден во 1944, Роконен започнал да работи во мелницата на возраст од 16 години. Локалните приказни велат дека првата плата ја потрошил за да купи семки од јаболка и вреќа бетон, па со тоа ја започнал својата градина со скулптури, којашто неуморно ја негувал половина век.

Сега позната како „Градина на скулптурите на Веијо Ронконен“, ова место привлекува околу 25.000 луѓе секоја година.

Посетителите не се привлечени само од уметноста, туку и од атмосферата на самата шума во која живеат рачно изработените фигури на Ронконен.

Многу луѓе сметаат дека е малку морничава оваа „скулптурна населба“. Деца кои се креваат во воздух, додека возрасните седат облечени во традиционална облека. Некои дури имаат и усти полни со вистински човечки заби, кои се насмевнуваат на минувачите. Други имаат звучници внатре кои испуштаат неразбирливи зборови.

Дури има и област во која 255 полуголи фигури вежбаат јога. Јогата е всушност единственото хоби на Ронконен за кое знаеме, освен секако, создавањето на уметност.

Ронконен е повеќе од парк на скулптури, тоа е општество, и иако самите уметнички дела на моменти се вознемирувачки, целата шума несомнено е магична, тоа е соединување на неколку различни светови на едно место.

Ова е особено интересно ако се земе предвид дека уметникот никогаш не го прошетал светот во својот вистински живот.

еНВи | Црнобело