Вирален хит: Татко од затвор ѝ испраќа инспиративни писма на ќерка си веќе 5 години

Таткото на Ариел Томас и покрај тоа што е осуден на 15 години затвор знае дека мора да ѝ биде водилка на својата ќерка низ животот. И тоа го прави преку писма.

Ариел Томас е 23-годишна девојка од Тексас која веќе 5 години секој месец добива писма од нејзиниот татко Грег, кој отслужува затворска казна.

Иако е осуден на 15 години затвор, Ариел вели дека нејзиниот татко е најпаметниот човек што го познава и дека успева да остане позитивен и покрај сè.

Таа сподели едно од писмата каде тој ѝ говори дека фокусот е најважен во животот и нејзиниот твит стана вирален хит.

Дел од писмото:

„Фокусот ти дава света моќ која прави да успееш да израстеш мало семе во исполнет и здрав живот. Страста е важна затоа што таа не е мотивирана од парите.

Фокусот е клучот кој го отклучува патот до исполнетоста. Фокусот не смее да биде под влијание на мислењата на другите луѓе. Од ниту една страна, без разлика дали тоа се пријатели, партнер или семејство.

Фокусот не знае кое време е, прави да се изгубиш во уживањето на работењето со часови.

Пронајди ја таа една работа за која чувствуваш најголема страст, потоа комплетно посвети ѝ се и фокусирај се на неа. Ти гарантирам дека ќе станеш најдобрата во таа работа!“

 Ариел вели дека писмата од нејзиниот татко секогаш се позитивни и полни со оптимизам.

https://twitter.com/ari_thedj/status/1005211488506785793

С. С.| Црнобело