Кои се најпопуларните српски блогерки и јутјуберки што прават „пуздер“ на интернет?

Дуња Јованиќ – Fashion Babe by Dunja Jovanic

Таа е „царот“ на секојдневните видео записи популарно наречени влогови. Соработува со многу успешни брендови, а позната е по својот хумор и пријатната насмевка.

Во нејзините комични видеа најчесто се појавуваат баба ѝ Мира, кученцето Бејби и нејзината другарка, популарната пејачка Сара Јо.

Дуња дефинитивно живее гламурозен живот, а доказ е нејзиниот Инста-профил.

Бојана Костиќ – Taste of Fashion

За неа ќе кажат дека е дефинитивно најубавата српска блогерка без шминка.

Сосема природна и спонтана, Бојана ги освојува обожавателите со деталните рецензии за декоративна и препаративна козметика. Но, таа е и успешен шминкер која заработува и надвор од каналот на YouTube и Instagram профилот.

Освен многуте едукативни совети, Бојана добро умее да се снајде и во кујната, односно одлично готви.

Неодамна стана бренд амбасадор на Becca козметичката линија за Србија.

Ружица „Ружа“ Рупиќ – Ruzica Rupić

Можеби најозборуваната од сите блогерки и јутјуберки во Србија, 16-годишната Ружа ја започна својата кариера уште на 13 години, откако ја удрил автомобил на улица, ја скршила ногата и започнала да снима видеа со цел да си го исполни времето.

Она што започнало од чиста досада, денес резултира со 3 нејзини песни и спотови (Ружа е поранешен натпреварувач со ТВ шоуто „Пинкови ѕвездички“), многубројни соработки со познати брендови и настапи на фестивалот Balkan Tube Fest кој се одржува во различни делови на регионот.

Ова се нејзиниот YouTube канал и Instagram профил.

Софија Гријак Иличиќ - Sofija Grijak Ilicic

Софија е поранешна манекенка и модел кој не успеала да се пронајде во овие води. Она што најмногу ја интересирало – шминката, денес е нејзиниот главен избор на заработувачка, бидејќи е успешна (иако самоука) шминкерка и сопственик на салонот за убавина Sophie’s Choice.

Сопруга и мајка на 2 прекрасни ќеркички, Софија е доказ дека ако се сака – сè се може. Активна е на Instagram со бајковити фотосесии, како и нејзиниот канал на YT.

(О)Милена | Црнобело