Трикови кои ќе ви помогнат да се „спасите“ од досадните комарци во лето

Летниот период е резервиран за комарците кои на сите им одат на нерви кога ќе почнат да им зујат на уво во сон или ги касаат додека седат со друштво.

Овие здодевни инсекти не се секогаш толку безопасни, бидејќи кај многумина може да предизвикаат и алергиска реакција.

Сепак, дури и да не дојде до тоа, чешањето, промената на расположение и непреспаните ноќи заради нивно бркање, не се воопшто пријатни.

За среќа, постојат неколку трикови кои ќе ви помогнат да се спасите од нив:

Одберете соодветна облека

За да спречите комарците да ви ги уништат летните вечери, обрнете внимание на облеката и дајте им предност на лесните материјали со светла боја. Црната облека емитира топлинска енергија, а тоа ги привлекува инсектите.

Градината како заштита

Некои растенија имаат моќ да ги заплашат инсектите, вклучувајќи ги и комарците. Во градината засадете лимонова трева, лаванда, маточина, нане, босилек, џунџуле или ставете на масата каде што седите некое од овие растенија.

Есенцијални масла

Есенцијалните масла се исто така од голема корист против инсектите, а нивниот мирис можете да го раширите преку мирисливи стапчиња или во форма на спреј.

Против комарци најкорисни се маслата од лимонова трева, босилек, чајно дрво, рузмарин и слично.

Закачете кеса со вода

Наполнете проѕирна кеса со вода, заврзете ја цврсто и закачете ја на таван, прозорец или друго видливо место.

Оваа генијална идеја помага кога мувите или комарците ќе пролетаат покрај кесата да го видат просторот на собата во искривена форма, а тоа ги плаши и одлетуваат.

За подобар ефект може да додадете и неколку монети во водата заради рефлексијата во водата која им е уште понепријатна на инсектите.

Продолжува на следната страна...