Што ќе се случи ако сите луѓе во ист момент станат вегани?

Теоретски, доколку сите наеднаш станеме вегани, милиони и милиони животни од фармите ќе бидат пуштени на слобода. Тоа ќе предизвика многу логистички проблеми, но ќе реши и многу други...

Фарми и животински живеалишта

Доколку наеднаш престане одгледувањето на домашни животни за месо, млеко и јајца, околу 3,5 милијарди животни и 19 милијарди единки живина ќе бидат „ослободени“ од предвидената судбина. Но, тоа не значи дека слободно ќе шетаат по полињата. Голем дел ќе бидат изедени од дивите животни.

Најверојатно би требало да продолжат да се одгледуваат во импровизирани фарми, каде нема да изгладнат и ќе бидат заштитени од предаторите.

Емисија на гасови

Како што е познато, кравите испуштаат големи количини метан, кој сам по себе е помалку опасен за озонската обвивка отколку издувните гасови од производството на храна.

Тоа би значело дека емисијата на штетни гасови глобално би се намалила за 28%.

Употреба земјиште за фарми и земјоделство

Во моментов, 68% од земјиштето наменето за фарми и ниви се употребува за одгледување домашни животни. Ако само една петтина од оваа територија се засади со земјоделски култури, ќе се обезбедат доволно приноси што ќе ја надоместат количината на изедени месо, јајца, млеко и млечни производи годишно.

Глобално здравје

Ако сите се откажеме од месо и други продукти од животинско потекло, смртноста од срцеви заболувања ќе се намалува со секоја следна година. Исто така, се намалува и ризикот од мозочни удари и рак, особено на дигестивните органи.

Но, проблем се појавува поради недоволната количина на протеини и витамини А, Б12 и Д во растенијата кои ќе ги јадеме. Всушност, ќе биде потребно одредени овошја или зеленчуци генетски да се модифицираат или пак да се зголеми употребата на суплементи и додатоци во исхраната.

Е. Д. | Црнобело