6 совети од пилот како да се однесувате во случај на авионска несреќа

Запомнете дека вие со останатите патници сте еден тим за излез од критичната ситуација, па обидете се да го смирите човекот до вас.

Голем број луѓе страдаат од аерофобија - страв од летање. Некои се загрижени за временските услови, други за техничките проблеми, но главната мисла на сите им е што ако авионот падне.

Најважно е да ги слушате стјуардесите кои при секој лет ги повторуваат правилата за безбедно патување и реакција во итна ситуација.

Сепак, еден американски пилот открива што треба да правите во случај на паѓање на авионот:

Испитајте ја локацијата на излезите за итен случај

Дури и пред полетувањето, погледнете каде се излезите за итни случаи. Некои од нив на пример не може да се користат во случај на слетување во вода.

За секој случај избројте колку седишта има до најблискиот излез до вас. Ќе ви биде корисно ако има чад во авионот и не можете да гледате каде се движите.

Ослободете се од вишокот работи на вас

Тргнете ги ременот, краватата, соблечете ги чевлите или високите потпетици. Извадете сè од џебовите, а во рака земете ги само најважните работи, како на пример диоптерските очила, ако навистина не можете без нив.

Секој предмет може да биде причина за повреда или за заглавување некаде при излегувањето.

Слушајте ги командите од екипажот

Дури и да владее паника и хаос, мора да слушате што ви зборува стјуардесата и пилотот. Ако авионот е спуштен на земјата, не трчајте веднаш кон излезот ако ви советуваат поинаку.

На пример при слетување на вода ќе ви кажат дека не мора да го ставите елекот за спасување веднаш затоа што во случај авионот да почне да се полни со вода ќе се најдете во замка. Ако ви се случи ова, само соблечете го елекот од вас и држете се за него. Може да издржи двајца патници вака.

Тргнете го телефонот

Видео од незгодата може да ви донесе многу пари подоцна, но поради снимањето можете да си го загрозите животот така што нема да забележите некој клучен детаљ.

Плус, дури и во најлош случај сигурно не сакате снимањето со телефон да биде последното што ќе ви биде на ум во животот.

Подгответе се за пожар

Ако гледате дека нешто не е во ред, подгответе парче облека и по можност наводенете го.

Во случај на пожар лазете по подот и држете го на уста.

Бидете хумани

Што и да се случи не смеете да паничите и со тоа да го загрозите животот на другите луѓе. Бидете хумани и ако има некој нервозен патник до вас, кој не ги следи наредбите на екипажот, обидете се да го смирите и да му помогнете.

Запомнете дека за излегувањето од критичната ситуација мора да делувате како еден тим.

Тајните од стјуардесите во прва класа!

С. С. | Црнобело