Зошто некои луѓе не можат да спијат додека патуваат?

Ако сте од оние кои не можат ниту око да склопат кога се во превозно средство, сигурно многупати сте посакале да сте на местото на вашиот сопатник кој до крајната дестинација пристигнува одморен и освежен.

За некои е сосема нормално да потонат во сон веднаш штом тргне автомобилот, автобусот или авионот. Но, има и такви на кои движењето им пречи, исто како и многубројните звуци по патот. Токму тие, патот го завршуваат како да се во бунило и благо дезориентирани.

Оние кои заспиваат, всушност се релаксираат бидејќи некој друг е одговорен за патот и тие можат да се одморат.

Другите пак, познати уште како анксиозни патници, сметаат дека треба да внимаваат на патот, да му бидат поддршка на оној кој вози, но секако, постојат и оние кои не можат да спијат само поради движењето.

За волја на вистината, седиштето во автомобилот или автобусот не е место каде можете лесно да заспиете и тоа да биде ефективно. На овие луѓе едноставно им е потребна удобноста на стабилниот кревет и мирот и тишината во спалната соба.

Иако најверојатно ништо нема да помогне, доколку патувате долго, било да е рано наутро или во тек на ноќта, може да се обидете со неколку едноставни трикови.

На пример, покријте ги очите со маска за спиење, одржувајте ја температурата во возилото релативно ладна, поставете перница за патување на вратот или во краен случај, обезбедете пригушувачи на звук.

Не е идеално, но обидете се, можеби ќе ви успее за следното патување.

Е. Д. | Црнобело