5 кралски правила кои принцезата Дијана ги прекрши со добра цел

Можеби го напушти кралското семејство кога се разведе од принцот Чарлс, но прекршувањата на кралските правила кои ги направи додека беа во брак, засекогаш ќе останат запаметени.

Кралски „прекршоци“ кои Дијана ги направи со добра намера и цел:

Не се согласи да се „потчини“ во брачниот завет

Иако по правило невестата треба да се согласи дека ќе му биде послушна на сопругот, Дијана го изостави тој дел во нејзиниот брачен завет. По неа, тоа го направија и Кејт Мидлтон и Меган Маркл, со што старата кралска традиција се прекрши.

Ги носеше децата на кралските турнеи

Додека Дијана не влезе во кралското семејство, децата биле оставани дома со дадилките, додека родителите биле на турнеја и кралска должност. Принцезата Дијана не сакала да ги остава Вилијам и Хари сами, па инсистирала да ги носи на интернационални посети.

Се породи во болница

Кралицата Елизабета и сите претходни жени во кралската историја се породувале во некоја од кралските палати. Откако принцезата Дијана се породи во St. Mary болницата, Кејт Мидлтон ги заследи нејзините стапки и трите дечиња ги роди во истата болница.

Престанала да носи ракавици

Иако кралицата Елизабета до ден денес носи ракавици за јавните појавувања, принцезата Дијана сакаше да има голи раце. Сметала дека на тој начин ќе биде поблиска со луѓето со кои остварува контакт и нема да има „бариера“ при поздравувањето.

Истото важи и за кралските капи

Ракавиците не биле единствениот аксесоар кој Дијана престанала да го носи, иако биле дел од кралските традиции. Во еден наврат рекла дека не може да ги гушка луѓето кога на себе има голема капа, па затоа одбрала да се откаже од нив како моден додаток.

М. Д. | Црнобело