Како да се справите со дрските прашања без да создадете непријатна ситуација?

Во периодот од годината кога се во ек разните слави и прослави, често ќе доаѓате во контакт со луѓе кои секогаш ќе имаат нешто да ве прашаат, дури и да не е тоа нивна работа.

Понекогаш овие прашања ги преминуваат границите и навлегуваат во приватноста или во теми за кои не сакате отворено да зборувате.

Ова се четири начини за излегување на крај од ваквите ситуации:

Вратете со иста мерка

Овој метод не може да го примени секој, туку треба да знаете да бидете и примерно дрски и да не се вознемирувате од содржината на прашањата.

Така, кога ќе ве прашаат следен пат за брак, деца или друга работа, вратете со иста мерка или со најбезболното „Не сакам да зборувам за тоа“.

Одговорете без одговор

Одговорите без одговор се одличен психолошки трик кој можете да го применувате, за да бидете и фини и да избегнете одговор. Можете да кажете „Благодарам на прашањето“, „Одлично прашање, многумина ми го поставиле“ или „Ми значи што се грижиш“.

Вратете со шега

Дозволено е да користите хумор и разумни дози на иронија и сарказам. На прашањето „Кога деца?“, можете да одговорите со „Не, не, алергичен/на сум на нив!“

Заобиколете ја темата

Можете да се направите дека не сте го чуле прашањето и да се обратите на некој друг од присутните и тоа со комплимент. Исто така, можете и да дадете комплициран одговор кој ќе ги замолчи и потоа да го тргнете рефлекторот од себе.

А што е најдобро што можете да направите за да им биде непријатно за дрските прашања? Да нагласите дека никогаш не прашувате за нешта што не се ваша работа.

Е. Д. | Црнобело