Медитацијата и боите: Сина за мир, црвена за страст

Ако сте веќе длабоко навлезени во медитацијата и таа е веќе ваше секојдневие, сигурно сте почнале да ги проучувате влијанијата на боите, кристалите и аромите.

На пример, кристалите, можат да ја засилат енергијата. Така, виолетовиот аметист ви помага да се поврзете со сопствената интуиција, розовиот кварц ќе ви го отвори срцето, а лабрадоритот, кој прелева во златна и сина боја ќе ви ги разбистри мислите.

Жолтиот цитрин ја ослободува креативноста, опсидијанот ве прави приземјени, додека проѕирниот горски кристал ви помага да постигнете внатрешен баланс.

Со боите можете да си играте и ако сакате да запалите свеќа. Сината свеќа ви носи мир и хармонија, црвената страст, белата прочистување, виолетовата ви помага духовно да се издигнете, жолтата ви ја буди креативноста, портокаловата желбата за успех.

Розовата свеќа ќе ви донесе љубов, но и сочувство и простување, зелената е симбол на плодност, а кафеавата на приземјеност.

Мирисите, пак, можете да ги внесете со ароматизирани свеќи, со масла, зачини или со мирисливи стапчиња. На пример, мирисот на жалфија ја чисти целата енергија, смреката ве заштитува, коријандерот ве ослободува од негативна енергија, темјанот ве носи во длабока медитација, а ајдучката трева ви ја буди интуицијата.

Пред да почнете да медитирате, добро би било убаво да ја проветрите собата, за да се подобри квалитетот на воздухот, но и да се ослободите од насобраната енергија.

Е. Д. | Црнобело