Како да медитирате со отворени очи?

Не мора да лутате во морето информации за да утврдите дека за на долго и широко се зборува за медитацијата.

Оваа древна практика може да ви помогне да го намалите стресот и степенот на анксиозност, да го подобрите сонот и подобро да ја контролирате болката и свеста.

Но, многумина од нас имаат многу конкретна дефиниција за тоа што значи поимот „медитација“, и веднаш во главата ни се создава слика на сосема неподвижна личност која седи на под со затворени очи и ги држи прстите во класичната позиција „Ом“.

Сепак, постојат многу повеќе начини да медитирате, што може да значи предност за оние кои тешко издржуваат подолго време во една положба или кои мислат дека не можат во целост да го применат класичниот стил на медитација.

Еве неколку креативни методи што може да ги тестирате следниот пат кога ќе почувствувате потреба да се „исклучите“.

Пешачење до одредена цел

За оние кои се нови во ова и не се подготвени да се посветат на класичната медитација, или едноставно сакаат истата да ја вклопат во патот до работа секое утро, овој тип на медитација е сосема соодветен. На овој начин може да медитирате дури и во центарот на градот и метежот низ улиците, но под услов да сте свесни и присутни.

Целта овде е да се соедините со две нешта - движењето на стапалата и нозете, како и со позитивните работи што се случуваат околу вас.

Прво, започнете со сопственото тело. Обрнете внимание на силата и брзината со која нозете ја притискаат земјата и чувството што се шири во нив. Потоа, проширете го хоризонтот за да забележите позитивни елементи во вашата околина. Слушајте ги звуците кои ви предизвикуваат радост, како некој што се смее или птици што пеат.

Почнете да барате позитивни слики, како сино небо со неверојатни облаци или слатко кутре што ве одминува. Кога човекот не е во потрага по позитивни нешта, умот често се присетува на негативни настани. Пешачењето до одредена дестинација, посебно ако истовремено обрнувате внимание на работите во околината што ве прават среќни, е одличен начин да го промените негативното размислување.

Јога

Овој тип на активна медитација најдобро се прави во тивок простор (внатре или надвор) и на рамна површина. Ако практикувате медитација и јога истовремено обидете се со едноставни позиции како позицијата на лотос, пеперутка и поздравот на сонцето бидејќи не бараат големо ментално вложување.

Воспоставете шема за дишење темпирана со вашите пози и обидете се да се држите до неа во текот на вашата медитација. Телесната свест е исто така од голема важност за време на медитацијата со јога.

Одвојте време да размислите како вашето тело навистина се чувствува додека е статично во секоја поза, како и како се менуваат тие чувства при преминот во друга позиција.

Одење по права линија

Најдете релација што одзема околу 20 до 30 секунди за да ја изодите и почнете да одите напред и назад. Бидете сигурни дека нема пречки што ја блокираат патеката и би ви го смениле правецот. По можност, патеката е во релативно тивка околина со минимални визуелни дистракции.

Додека одите, концентрирајте го погледот пет до шест метри пред вас. Корисно е да повторувате едноставна мантра додека се движите, но и да останете комплетно присутни во просторот заблагодарувајќи се за работите што ги имате овде и сега, особено ако минувате низ стресни настани во животот.

А. Ш. | Црнобело