Нераскажаната вистина за хипнозата

Сите имаат слушнато за хипноза, а многу психијатри ја користат како форма на терапија. Но хипнозата не е само илузија.  Некои луѓе можат да се хипнотизираат, додека некои луѓе не можат. Хипнозата и нејзината ефикасност се сè уште нејасни за многу невролози и психолози. Тие знаат дека хипнозата делува, но не знаат зошто некои луѓе се повеќе подложни на хипнозата од другите.

Самата хипноза е стара колку и човештвото. Во Сумер се користела во 4 милениум п.н.е. од страна на свештениците и лекарите, кои користеле хипнотички сугестии за лекување на пациенти. Модерната историја на хипнозата почнува со виенскиот лекар Ф.А. Месмер, кој се смета за основач на хипнотерапија.

Хипноза е според дефиниција премостување на критичниот фактор на свесниот ум и воспоставување на прифатливо селективно размислување. Нејзината предност е што се занимава со потсвесната личност повеќе од другите психотерапевтски техники. Хипнозата е врска помеѓу свесниот и потсвесниот дел од нашиот ум, а може да се спореди со состојба веднаш по будењето или непосредно пред заспивањето.

Хипнозата не е трик ниту паранормална активност. Се работи за терапевтска процедура која може да биде аспект на нормалното човеково однесување.

Секој што сака може да влезе во состојба на транс. Хипнозата нема да успее кај луѓето кои се плашат или кои немаат желба да влезат во ваков вид на транс. Од трансот можете да излезете кога сакате, бидејќи станува збор за природна состојба во која сте будни и свесни за себе и вашите чувства.

Како изгледа хипноза?

Во принцип, хипнозата ги претвора негативните „програми“ или обрасци во потсвеста во позитивни. Целта е болката да излезе на површина за да излезат потиснатите спомени. Една сесија на хипнотерапија трае 90 минути. По краткиот разговор започнува класична хипнотичка индукција, проследена со состојба на хипноза, која е специфична за секој поединец.

Овој вид на терапија се користи за откажување од пушење, губење на тежина, несоница, фобии, тензии, анксиозност, мигрена, зависности, импотенција и сл.

Во случај на емоционални проблеми најдобро е да се пристапи кон индивидуална хипноза. Во случај на губење на тежина или лекување на зависност се препорачува групна хипноза. Бројот на третманите зависи од сериозноста на проблемот и од карактерот на лицето. Ако некое лице не е доволно мотивирано или не верува во ефективноста на хипнозата, постои можност третманите да не бидат ефективни.

Во принцип, процесот на хипнотерапија изгледа вака:

Употреба на авторитет - хипнотерапевтот дава инструкции со едноставни реченици.

Визуализација - хипнотерапевтот сугерира и опишува одредени сценарија и ситуации.

Балансиран говор - хипнотерапевтот зборува рамномерно и балансирано, со еднаков ритам и без различни гласовни промени; понекогаш се користи и тивка музика во заднина.

Повторување на зборовите - хипнотерапевтот повторува клучни зборови повеќе пати за време на терапијата.

Емоционални знаци - хипнотерапевтот ги интегрира сите информации што ги знае за емоционалните промени на клиентот и ги користи за поттикнување на промени.

Аналогија, метафора и асоцијативни изјави - хипнотерапевтот користи споредби со познати искуства или слики, за да му помогне на клиентот да постигне физичка релаксација.

Ашера | Црнобело