Храм во Индија ја има најмистичната врата на светот - никој не знае што се крие зад неа

Храмот Padmanabhaswamy е хиндуистички храм сместен на југозападниот брег на Индија. Храмот е посветен на божеството Вишну. 

За првпат се споменува во древните текстови (од 500 години п.н.е. ) како античко место за обожавање, но никаде не постои запис кога започнала неговата изградба или кој го изградил.

Во текстовите се споменува дека ѕидовите и столбовите се направени од злато, но најимпресивната работа околу храмот е мистериозната комора наречена Комора Б, која нема брава, квака или завртка за отворање. Затворена е од страна на свештеници со помош на звучни бранови и мантри, а никој не знае што се наоѓа внатре.

Комората ја чуваат релјефи на две џиновски кобри, а легендата вели дека секој кој ќе се осмели да ја отвори вратата ќе заврши трагично. Античкиот храм повеќе од 500 години криел 8 тајни комори, од кои пет се отворени според наредбата на индискиот врховен суд.

Од коморите е изваден трон, украсен со дијаманти, рубини, смарагди и сафири, направен за статуа висока 6 метри, потоа круна од чисто злато, неколку ѓердани, како и многу злато.

Многумина претпоставуваат дека зад Комората Б се крие непроценливо богатство, додека ведските астролози предупредуваат: Ако „обичниот човек“ ја отвори вратата голема катастрофа ќе го уништи светот.

Вратата може да ја отвори само светиот човек кој се откажал од сите материјални моќи, пеејќи ја моќната мантра Гаруда.

За личноста која ќе ја испее оваа мантра, вратата автоматски ќе се отвори, но проблемот е што никој не знае да ја пее.

Ашера | Црнобело