Ретро, метро - сексуалност

Сексуалноста очигледно постојано еволуира и денешните склоности си имаат свои имиња и дефиниции. Ќе се задржиме на неколку моментално...

 

...актуелни термини кои сè почесто се користат, а за кои, можеби и не сте најсигурни што точно значат.

1. Ретросексуалци. На почетокот ова беа мажи кои не ги интересираат новите трендови во сексот и ги користат исклучително старите проверени методи во заведувањето и сексот.

Со тек на време ова станаа личности кои се враќаат во минатото и сакаат да ги оживеат старите страсти. Без оглед на тоа дали сте моментално во врска или не, а „оперирате“ по Фејсбук и договарате кафе со некоја поранешна девојка, сега имате и етикета – ретросексуалец!

2. Метросексуалец. Ако не можете да си допуштите ременот да не ви одговара со чевлите, сакате да отидете на маникир, педикир, чистење лице и масажа, а притоа да сакате жени – вие сте метросексуалец. Или – шмекер.

Овие дечки сакаат шопинг повеќе од својата понежна половина, имаат еден тон козметички препарати. Во сексот се организирани, сакаат предигра, снимање, а им е важно како изгледаат во текот на целиот однос. Сè мора да биде организирано и на врв на задачата.

3. Агросексуалци. Сè што е метросексуалецот, агросексуалецот не е! Тој не знае кога последен пат користел парфем, спа или велнес, но затоа кога станува збор за мотика, копач или плуг – му нема конкуренција.

Ова се типови кои заведуваат по околните села. Агросексуалецот не е тип за предигра и атмосфера. Ужива во сексот и секогаш преминува на главното.

4. Наносексуалец. Последен тренд кога е во прашање сексуалноста се наносексуалците – асексуални личности на кои сексот не им е примарен. Кај нив сè се сведува на духовен аспект на уживање и постигнување душевен мир без секс.

Познато е дека овие личности патат од асексуален синдром и не уживаат во никаква форма на секс. Кај нив постои тренд „Доволен сум си сам на себе“. Овие личност се откажале од воспоставување емоционална врска и се посветиле на зголемување на квалитетот на сопствениот живот.