Жените конечно имаат добра причина за честите средби: Зошто треба да се гледате со пријателите двапати неделно?

Жените конечно имаат доволно добра и издржана причина за нивните чести средби со пријателките , а научниците потврдуваат дека треба да уживаат во времето поминато заедно барем двапати неделно.

Без разлика колку сте зафатени во текот на неделата, секогаш треба да најдете време за пријателите, а научниците го докажуваат тоа.

Според едно истражување на Универзитетот Оксфорд, потврдено е дека средбите со пријателите двапати неделно се добри за здравјето.

И за двата пола, дружењето и социјалниот живот имаа значајно влијание врз физичкото и емоционалното здравје, а луѓето со поголема мрежа на пријатели, помалку патат од болести и полесно се опоравуваат.

Истражувањата дополнително докажуваат дека за жените дружењето со други личности од женски пол, многу повеќе помага за намалување на стресот и анксиозноста, а научниците ја поврзуваат причината за ова со одредени хормони.

Сега имате добра причина да наоѓате време за почесто дружење со пријателите, бидејќи здравјето секогаш е на прво место, независно од полот.

Доколку сте од оние кои сакаат цели денови да седат дома и да гледаат филмови, време е да промените нешто во рутината и да почнете почесто да се дружите со најблиските!

М. М. | Црнобело