6 чудни нешта кои се случуваат во женското тело

Во античко време жените се сметале за различен вид од мажите бидејќи имале поинакви тела и вештини. 

Денес, колку и да се променети нештата во однос на тоа колку се рамноправни двата пола, постојат многу неразјаснети мистерии за женското тело.

Утринските мачнини се добри за идните мајки

Научниците од Универзитетот во Колорадо откриле дека утринските мачнини се всушност механизам преку кој телото на мајката му помага на фетусот да ги избегне токсините од риба, месо и други намирници што мајката ги внесува. Исто така, утринските мачнини се знак за силно бебе, односно жените кои имаат утрински мачнини имаат помал ризик од спонтан абортус.

Жените разликуваат гласови од најрана возраст

Дури и женско бебе старо само една недела може да го разликува гласот на својата мајка од гласот на друго бебе кое плаче. Оваа вештина е корисна при препознавање на луѓе кои лажат - жените можат да почувствуваат и најмала промена во гласот која се случува кога некој лаже.

Хромозомот Х е дел од добар имунолошки систем

Според научниците, хромозомот Х кој е одговорен за зачнување на женско бебе во себе носи повеќе микро - РНК, што е причина за посилен имунитет на бебето и намален ризик од појава на рак.

Жените полесно ги надминуваат настинките

Естрогенот, кој е поприсутен кај жените отколку кај мажите, е одговорен за потиснување на воспалителниот процес. Ова значи дека жените полесно и побрзо се справуваат со настинките. Естрогенот исто така го забавува стареењето на телото, па оттука и фактот дека жените живеат подолго.

ПМС симптомите се појавуваат и исчезнуваат зависно од возраста

Тие се најприсутни во тинејџерските години и после 40-тата, бидејќи тоа се периоди на најголеми хормонални промени. Симптомите вклучуваат главоболки, проблеми со кожата и болка во зглобовите и мускулите.

Двете гради се различни

Екстремно мал број жени низ светот имаат гради со иста големина, бидејќи вообичаено едната е поголема од другата. Ниту еден дел од човечкото тело не е симетричен.

Сексуалната желба и желбата за храна се исти

Да, добро прочитавте - возбудата за партнерот и возбудата за одредена храна вклучуваат ист дел од мозокот кај жените.

Контрацепцијата влијае на физичката привлечност

Научно е докажано дека мажите ги привлекуваат плодни жени иако тоа не мора да значи дека сакаат да имаат деца. Мирисот на женското тело е тоа што го открива нејзиниот потенцијал, меѓу повеќе биолошки тенденции. Контрацепцијата ја намалува атрактивноста на жените бидејќи „додава“ машки хормони и ја елиминира можноста да останат бремени.

A. Ш. | Црнобело