Дали сте се заљубиле на „прв мирис“?

Дали некогаш ви се случило прво да се заљубите во парфемот, а потоа во личноста? Ако да, не сте сами! Врската помеѓу заведувањето и мирисот е стара колку и самата цивилизација. Според приказната за Клеопатра, не еден туку двајца лидери на Римската империја биле маѓепсани токму од нејзината парфимирана напивка.

Па што е тоа во мирисите што ги клекнува на колена и најголемите воини?

Психолозите велат дека делот од мозокот кој ги процесира мирисите е задолжен да ги обработува и емоциите, затоа одредени ароми навистина може да не возбудат.

Ванила

Ванилата ја бие лош глав поради својата едноставност, која пак е последица на претеранта употреба. Сепак, таа е докажан афродизијак, а овој благ мирис подеднакво ги возбудува и мажите и жените.

Ванилата е можеби слатка, но има силен, интензивен, животински аспект и предизвикува среќно чувство.

Ментол

Мирисот на ментол не е нешто што го поврзуваме со секс и возбуда, но станува збор за вистинска енергична арома, со свежи ноти кои поттикнуваат чувство на возбуда.

Научните студии покажуваат дека мирисот на мента има позитивен ефект на менталната стимулација, вниманието и физичката возбуда.

Мошус

Мошусот и сексот се директно поврзани - оваа миризлива супстанција ја излачува еден вид на елен без рогови (се лачи од жлездата сместена над неговиот стомак).

Мошусот е најстарата и најсвета сексуална мирисна состојка која прави да се чувствувате сензуално.

Јасмин

Јасминот е најсензуалната нота, а тоа што ја прави уникатна е комбинацијата од слатката цветна арома и животинската карактеристика, односно присуството на индол.

Индолот  ароматично органско соединение кое може да се најде и кај гениталиите. Звучи откачено, но ова е оптимистичен, „сончев“ мирис кој е застапен кј 83% од женските и 33% од машките парфеми.

А. Ш. | Црнобело