Големиот потоп, градината, судниот ден - митови кои постојат во речиси сите религии

Мит претставува приказни кои потекнуваат од различни културни области од целиот свет, а зборува за потеклото и настанокот на човекот, народите и другите суштества, боговите и хероите како и универзумот. 

Митот секогаш се занимава со прашањето за потеклото на светот. Се дефинира и како општоприфатено верување кое се заснова на приказни кои ги објаснуваат работите околу нас.

Содржината и формата на митот може да се менува во согласност со желбите и потребите на оној што ги раскажува, во согласност со публиката или со целта поради која се раскажува.

Некои мотиви и приказни, во една или друга форма, можеме да ги пронајдеме во речиси сите религии, а ова се некои од нив:

Големиот потоп

Приказната за коработ на Ное и големиот потоп не е оригинална. Многу автори веруваат дека оваа приказна била инспирирана од епот за Гилгамеш, месопотамискиот мит од 14-от век п.н.е. Во ведските списи, исто така, може да се пронајде приказна за потопот.

Овој мит го делат христијанството, јудаизмот, хиндуизмот, верувањата на маите и ацтеките и месопотамиските култови.

Градината на Адам и Ева

Христијанскиот и еврејскиот мит го опишува Едем и неговата градина. Овој мит се повторува и во други верувања, па така сумерската митологија го опишува кралството на богот Енки, кој ги создал луѓето и ги ставил во градина, за на крај да ги исфрли од таму, разочаран од нив.

Овој мит, како и различни варијанти на приказната, можат да се пронајдат и во Куранот.

Овој мит го делат христијанството, јудаизмот, месопотамските култови и исламот.

Судниот ден

Христијанството го поврзува крајот на светот со второто доаѓање на Христос (по Антихристот). Во будизмот, лицето задолжено за почетокот на новата ера и мир по апокалипсата е Маитреја, додека Евреите го чекаат Месијата, кој ќе го обнови храмот во Ерусалим.

Овој мит е, исто така, присутен во паганските религии. Во нордиската митологија Рагнарок ја претставува последната битка на боговите против злото.

Овој мит го делат будизмот, хиндуизмот, исламот, христијанството, јудаизмот и нордиската митологија.

Небо

За Ацтеките небото е Миктлан, за Грците Олимп, местото каде што живееле боговите, а таму се наоѓа и Елисеј, крајната дестинација за најсреќните. Еквивалентот на грчкиот Олимп во нордиската митологија е Асгард, додека најхрабрите воини оделе во Валхала.

Овој мит го делат христијанството, грчката митологија, мезоамериканските култови и нордиската митологија.

Ашера | Црнобело