„Извини за секој пат кога поради депресијата ти бев ужасна пријателка“

Пријателке, извини за секој пат кога те оттурнав од себе затоа што не сакав да забележиш дека не сум добро.

Писмо од девојка што страда од депресија напишано за нејзината пријателка стана вирален хит.

„Сакам да ти кажам извини.

Извини за секој пат кога не ти вратив на пораките, затоа што се мислев што да одговорам и на крај те игнорирав сосема.

Извини што ти откажував планови во последен миг кога анксиозноста ќе ме фатеше и не успевав да соберам храброст да излезам од дома.

Извини за лажењето, прикривањето работи, преправањето дека имав труење со храна и други измислици за кои не сум горда.

Извини за секој пат кога те оттурнав од себе затоа што не сакав да забележиш дека не сум добро.

Извини за миговите кога се разлутував без причина, бев иритирана и ја одбирав најлесната опција да те исклучам од животот, наместо да те пуштам во него.

Извини за миговите кога не бев 100% вклучена во разговорите, кога моето внимание луташе и се опседнував со хаосот во својот живот.

Извини за миговите кога се повлекував затоа што чувствував дека не можам да го одржувам твоето темпо.

Бев засрамена.

Засрамена поради тоа што и најлесните работи ми изгледаа како невозможна мисија, дека мојот мозок повеќе не беше безбедно место, дека се плашев да исклучам светлото, да отворам врата, да направам чекор.

Извини што се сомневав дали ќе ме разбереш.

Извини што мозокот ми кажуваше дека не можам да ти верувам или да се потпрам на тебе, дека би било грешка да ти кажам што ми се случува.

Toa e работата кај депресијата – што ти станува најголемата тајна и ги оттурнува сите од тебе.

Ви кажува дека не заслужувате пријатели и луѓе што ве сакаат.

Тешко ви е да ја доверите некому вашата најголема и најтешка тајна и за да го избегнете тоа ги оттурнувате од себе. Станувате актери и глумите дека сте во ред.

Пријателке, извини што ти го сторив тоа.

Извини што не бев добра пријателка.

Работам да го поправам тоа.“

С. С. | Црнобело